Kwanini Shekhan Khamis Ameondoka Yanga SC? Klabu 4 Zichuana Vikali!

KIUNGO mshambuliaji wa Yanga SC, Shekhan Khamis, ameondoka rasmi ndani ya kikosi hicho huku akisaka changamoto mpya zitakazompa nafasi ya kucheza mara kwa mara kuelekea msimu wa 2026/27.

Taarifa zinaeleza kuwa Singida Black Stars ndiyo klabu iliyo mbele katika mbio za kunasa saini ya nyota huyo kwa mkopo, huku mazungumzo kati ya pande husika yakitajwa kufikia hatua nzuri.

Mbali na Singida Black Stars, klabu za JKT Tanzania, Mashujaa FC na Dodoma Jiji nazo zimeonyesha nia ya kupata huduma za kiungo huyo, zikivutiwa na uwezo wake wa kucheza maeneo mbalimbali ya ushambuliaji.

Hatua ya Shekhan kuondoka Yanga inalenga kumpa nafasi ya kupata muda mwingi wa kucheza na kuendelea kujiendeleza, baada ya kushindwa kupata nafasi ya kudumu ndani ya kikosi cha mabingwa hao wa Ligi Kuu Tanzania Bara.

Malengo makubwa ya kiungo huyo ni kuhakikisha anapata dakika za kutosha uwanjani katika msimu wa 2026/27, jambo litakalomsaidia kurejesha kiwango chake na kuendelea kujijenga kisoka.